Po zhvillohet ditën e sotme me debate mbledhja e dytë e komisionit hetimor parlamentar për koncesionet në shëndetësi, (sterilizimi dhe check up-i).
Debate të shumta ka pasur në lidhje me firmosjen nga anëtarët e komisionit të deklaratës për konfliktin e interesit, pas akuzave nga opozita, sidomos deputetja Ina Zhupa, se Milva Ekonomi dhe Plarent Ndreca janë në këto kushte.
Anëtarët socialistë të Komisionit Hetimor për Shëndetësinë kanë votuar kundër futjes në rend dite të formularit për konfliktin e interesit. 8 vota kundër dhe 7 vota pro ishte rezultati i votimit. Kryetarja e komisionit, Albana Vpskhi tha se opozita e ka firmosur deklaratën e konfliktit të interesit, ndërsa mazhoranca refuzon.
Gjithashtu Komisioni Hetimor për Shëndetësinë ka caktuar ekspertët (që do t’i drejtohen për informacion), dy nga opozita dhe dy nga mazhoranca.
Ekspertët:
Franci Nuri- PD
Meri Lika- PD
Bledar Skënderi- PS
Ermir Bejtja- PS
