Policia e Tiranës ka dalë me një komunikatë zyrtare në lidhje me sherrin që përfundoi me plagosjen me thikë të një 40-vjeçari mbrëmjen e të dielës tek rruga e “Komunës së Parisit” në kryeqytet.
Autoritetet policore raportojnë se dy adoleshentët nga Tirana, shtetasit Kevin Kolgega, 19 vjeç dhe Arlind Gjoni 18 vjeç, janë konfliktuar fizikisht me shtetasin Elsi Gjata, 34 vjeç, si dhe kanë goditur me thikë në kurriz shtetasin Marin Kokobobon, 40 vjeç.
Ky i fundit ka mbetur i plagosur dhe është dërguar me urgjencë në spital, ku pasi ka marrë ndihmën mjekësore është larguar për në banesë.
Policia e Tiranës bën me dije se ka arrestuar shtetasin Kevin Kolgega, si dhe po punojnë për kapjen e shtetasit Arlind Gjoni, i cili është shpallur në k♪7rkim.
Grupi hetimor po punon për zbardhjen e plotë të rrethanave të ngjarjes dhe motiovin e sherrit.
