Ditën e nesërme do të zhvillohet mbledhja e parë e komisionit hetimor parlamentar për ndërhyrjen në të dhënat e sistemit “TIMS”, ku ngritja e tij u miratua më 21 Mars në Kuvend.
Kryetari i këtij komisioni, Ervin Salianji, i ka njoftuar kolegët se mbledhja do të fillojë në orën 15:00, teksa në rendin e ditës është konstituimi i komisionit hetimor dhe prezantimi i anëtarëve të tij.
“Të nderuar deputetë, Komisioni hetimor për Tims do të zhvillojë mbledhje nesër, ditën e martë, datë 02 prill 2024, ora 15:00, salla Pjetër Abnori. Rendin e ditës e gjeni bashkëlidhur. Ju faleminderit!” – thuhet në mesazhin e Salianjit. Nënkryetari i komisionit nga ana e mazhorancës do të jetë Tonin Gogu.
Ngritja e dy komisioneve hetimore,ai për koncesionet në shëndetësi dhe trajtimi i të Dhënave të Sistemit TIMS ishin pjesë e marrëveshjes mes mazhorancës dhe opozitës që riktheu normalitetin në Kuvend.
Komisioni Hetimor për rrjedhjen e të dhënave në sistemin TIMS
Përbërja
1-Ervin Saljanji – kryetar
2-Toni Gogu –Nënkryetar PS
3-Nasip Naço – Anëtar PS
4-Blerina Gjylameti – Anëtar PS
5-Etilda Gjonaj – Anëtar PS
6- Xhemal Qefalia – Anëtar PS
7- Antoneta Dhima – Anëtar PS
8- Bardhyl Kollçaku – Anëtar PS
9- Denis Deliu – Anëtar PS
10- Lindita Metaliaj – Anëtar PD
11- Lefter Gështenja – Anëtar PD
12- Asllan Dogjani – Anëtar PD
13- Ramadan Lika – Anëtar PD
14- Luan Baci – Anëtar PD
15- Elda Hoti – Anëtar PD
Anëtarët Zëvendësues
1- Bledion Nallbati- anëtar zëvendësues PD
2- Isuf Çela – anëtar zëvendësues PD
3- Eduart Nreca Anëtar zëvendësues PS
4- Laer Duraj Anëtar zëvendësues PS
