Kreu i grupit parlamentar të PD-së, Gazment Bardhi, i ftuar në emisionin “Opinion”, po flet mbi dokumentet e publikuara ditën e sotme që implikojnë vëllain e kryeministrit Edi Rama, në laboratorin e kokainës në Xibrakë.
Bardhi pretendon se personi “i paidentifikuar” tek klani i Xibrakës është Olsi Rama, si dhe ka përdor të njëjtin automjet gjatë periudhës Prill – Dhjetor 2014, bashkë dhe veç e veç me Genci Xhixhën.
I pyetur se kjo çështje është hetuar një herë nga drejtësia, Bardhi deklaroi se të dy prokurorët e kësaj çështjen Olsian Çelë dhe Edvin Kondili janë promovuar nga Edi Rama.
Bardhi tha se me votën e Edi Ramës në Kuvend, Olsian Çela mori postin e Prokurorit të Përgjithshëm, ndërsa Edvin Kondili mbështetej nga mazhoranca për t’u bërë kreu i SPAK në garën me Altin Dumanin.
“Prokurorët e dosjes së Xibrakës që kishin për detyrë të hetonin këtë personin 45-vjeçar, njëri me votë të Edi Ramës është bërë Prokuror i Përgjithshëm i Republikës së Shqipërisë dhe prokurori tjetër është mbështetur në një garë ku Rama hyri në luftë me Ambasadën e SHBA-së për ta bërë të drejtor të SPAK. E vërtëeta është që të gjithë përfaqësuesit që ndodheshin atje me votë të Edi Ramës, votuan për Edvin Kondilin”, tha Bardhi.
