Një shqiptar me origjinë nga Kosova është arratisur nga burgu në Wauwilermoos i Lucernit, ku ishte i dënuar me kusht.
Mediat zviceriane raportojnë se ai ishte dënuar më parë për kundërvajtje dhe nuk përbën kërcënim për publikun, teksa duke iu referuar burimeve pranë autoriteve, dyshohet se ai mund të jetë larguar nga Zvicra.
Shqiptari nuk e ka pasur të vështirë npër t’u arratisur. Ai ka përfituar nga disa orë pushim nga burgu gjatë drekës të martën e kaluar dhe ka ikur.
“I burgosuri nuk u vu re kurrë për sjellje të dhunshme gjatë qëndrimit të tij në Wauwilermoos dhe gjithmonë kthehej nga pushimet e tij në orën e caktuar” thotë Daniel Graf, zëdhënës i shtypit për Departamentin e Drejtësisë dhe Sigurisë së Lucernit (JSD), për Zentralplus.
Për këtë arsye opinioni nuk u informua për arratisjen. Graf vazhdoi: “Vetëm të burgosurit që nuk përbëjnë rrezik për publikun pranohen në sistemin e hapur të burgjeve. Kjo i bën më të lehtë hapat e mëtejshëm të integrimit me qëllim shkarkimin.”.
Policia zviceriane po punon për gjetjen dhe kapjen e shqiptarit të Kosovës.
