Gjykata e Tiranës ka caktuar këtë të enjte masën e sigurisë “arrest në burg” për 4 të rinjtë dhe ish-efektiven e burgjeve, të arrestuar për trafik armësh nga Shkodra drejt Tiranës.
Bëhet fjalë konkretisht për shtetasit pranga Sabian Hasaj, 22 vjeç, Redi Nika, 18 vjeç, Denis Hasaj, 18 vjeç, Denisa Halilaj, 22 vjeçe (ish-efektive e policisë së burgjeve) dhe Mirjan Hasaj 26 vjeç, të cilët u arrestuan nga policia në kuadër të operacionit të koduar “Repishti”.
Pesë të pandehurit u kapën në një parking në Rrugën e Rinasit dhe brenda automjetit ku udhëtonin iu gjetën 9 armë me krëhër e municion luftarak, të cilat i kishin siguruar në Shkodër, dhe i kishin sjellë në Tiranë për ti shitur tek persona të tjerë.
