Pas marrëveshjes së arritur me mazhorancën, Partia Demokratike ka nisur nga puna dhe ka caktuar emrat e anëtarëve të 2 komisioneve që do të ngrihen, një për daljen e të dhënave të sistemit TIMS dhe për atë të koncesioneve në shëndetësi.
Mësohet se sa i përket daljes së të dhënave të TIMS, kryetar është caktuar Ervin Salianji, ndërsa anëtarë do jenë Elda Hoti, Luan Baçi e Asllan Dogjani, Ramadan lika, Lefter Gështenja dhe Xhelal Mziu.
Sa i përket komisionit për koncesionet në shëndetësi, posti i kryetares i është besuar Albana Vokshit me anëtarë Zheni Gjergji, Ina zhupa Edmond Spaho, Sajmir Korreshi dhe Petrit Vasili.
Nga PS, si nënkryetarë janë zgjedhur Toni Gogu për të dhënat e sistemit TIMS, ndërsa për koncesionet në shëndetësi, Plarent Ndreca.
Anëtarët e tjerë do të mësohen gjatë seancës parlamentare të ditës së nesërme, kur deputetët pritet të votojnë për ngritjen e dy komisioneve.
Dy komisionet do të kenë tetë anetarë nga mazhoranca dhe shtatë nga opozita, përfshirë kryetarin.
Ngritja e dy komisioneve hetimore u dakordësua mes mazhorancës dhe opozitës për të rikthyer normalitetin në Kuvend.
Të dhënat nga TIMS
- Ervin Saljanji – Kryetar
- Ramadan lika
- Lefter Gështenja
- Xhelal Mziu
- Elda Hoti
- Luan Baci
- Asllan Dogjani
Koncesionet në Shëndetësi
- Albana Vokshi – Kryetare
- Zheni Gjergji
- Ina zhupa
- Edmond Spaho
- Sajmir Korreshi
- Petrit Vasili
- Zëvendësues Ilda Dhori/ Emilia Koliqi
Lexo edhe: Bardhi: Një vend për Bashën në grupin e dialogut
