Igor Tudor është trajneri i ri i Lazios. Lajmi është dhënë nga klubi kryeqytetas, nëpërmjet një postimi në rrjetet sociale.
Marrëveshja e Lotitos me Tudor është arritur për të firmosur një kontratë të vlefshme deri në qershor të vitit 2025, me opsion rinovimi edhe një tjetër vit, nëse gjithçka do të shkojë mirë.
Nga kjo kontratë, sipas mediave italiane kroati do të përfitojë 2.5 milionë euro në sezon, teksa Lazio do të jetë një tjetër shans i mirë për Tudorin, që të tregojë cilësitë e tij.
Kroati ka bërë shumë mirë te Verona në sezonin 2021-2022 dhe te Marseille sezonin e kaluar, teksa te Lacio do të kërkojë të konfirmohet si një trajner i besueshëm për të luftuar për objektiva të rëndësishëm.
View this post on Instagram
