Një i ri shqiptar gjeti vdekjen si pasojë e një aksidenti të rëndë të ndodhur mbrëmjen e djeshme në Gaeta të Italisë. Ngjarja ndodhi rreth orës 19:30.
Dy makina u përplasën “kokë më kokë”, një Smart ku udhëtonte një i ri shqiptar dhe një mjet Opel, ku ndodheshin dy gra.
Përplasja ishte aq e fortë sa 30-vjeçari Dhurim Shini gjeti vdekjen në vendin e ngjarjes.
Dy gratë që udhëtonin në makinën tjetër mbetën të plagosura rëndë dhe u dërguan me urgjencë drejt spitalit.
Mbeten të paqarta rrethanat e këtij aksidenti të rëndë. Autoritetet italiane kanë nisur hetimet për zbardhjen e tyre.
Kujtojmë se më 16 mars, një aksident tragjik në Itali i mori jetën një 23-vjeçari nga Lezha. I riu, Marin Kola, 23 vjeç nga Zadrima, kishte pak ditë që kishte ikur në Itali dhe fatkeqësisht ka ndërruar jetë pas aksidentit fatal në Via Casilina.
Mjeti tip “BMW” me të cilin udhëtonte Kola përfundoi jashtë rruge, ku bashkë me të ka humbur jetën dhe një tjetër shtetas, ndeësa një i ri që nuk dihet nëse ishte drejtuesi i mjetit, mbeti i plagosur dhe është në gjendje të rëndë.
