Borussia Dortmund arrin të kualifikohet në çerekfinale të Champions League. Djemtë e Edin Terzic, triumfuan me rezultatin 2-0, në “Signal Iduna Park”, ndaj PSV Eindhoven.
Goli i parë i sfidës erdhi në minutën e 3’-të, me “fantazistin” anglez, Jadon Sancho, i cili dërgon në rrjetë, një goditje nga jashtë zone, duke marrë avantazhin e për të mos e lëshuar më.
Golin e gjeti edhe “bomberi”, Niclas Fullkrug, mirëpo pas rishikimit të aksionit me sistemin VAR, goli u shpall i pavlefshëm. Goli i dytë erdhi nga këmbët e “veteranit”, Marco Reus, në “frymën e fundit”, të sfidës.
Takimi i parë në Holandë uy mbyll në barazim 1-1 dhe ky rezultat ishte përcaktues në suksesin e gjermanëve.
Në raundin e radhës, Borussia Dortmund mund të përballet me “gjigantë” të futbollit evropian si Manchester City, Real Madrid, Barcelona, Arsenal, Inter apo Paris Saint-Germain.
