Një protestë është zhvilluar këtë paradite në Shkodër.
Disa banorë të Dukagjinit janë mbledhur para bashkisë së qytetit dhe kërkojnë vendosjen e bustit të Lekë Dukagjinit në qendër të Shkodrës.
Protestuesit shprehen se Shqipëria është mbushur me varre greke, serbe e malazeze, dhe me buste te pushtuesve turq e grekë, ndërkohë që një figurë si ajo e Lekë Dukagjinit hezitohet që të vendoset.
Leka III i Dukagjinëve i njohur përgjithësisht si Lekë Dukagjini, ishte hartues i Kanunit dhe krahu i djathtë i Skënderbeut në mbrojtjen e kombit shqiptar përballë pushtuesve osmanë.
