Milan ka siguruar një fitore të rëndësishme ndaj Slavias së Pragës me shifrat 4-2 në Milano, në aktin e parë të 1/8-ave të Europa League. Diuof la çekët me një lojtar më pak në minutën e 26-të, pas një ndërhyrje të ashpër.
Në superioritet numerik, kuqezinjtë gjetën shpejt avantazhin, teksa Leao krosoi për Giroud, i cili nuk fali. Mysafirët vendosën ekuilibrat me një super-gol nga distanca të Doudera-s, por vetëm përkohësisht pasi Reijnders dhe Loftus Cheek ndezën festën vendase në fundin e fraksionit.
Ivan Schranz me një goditje të fortë ccoi sferën pas shpinës së Maignan në të 66-tën, duke i bërë mjaft emocionuese minutat e mbetura. Slavia e Pragës mori zemër dhe fitoi centimetra në zonën e Milanit, por këta të fundit mbyllën një herë e mirë llogaritë e këtij takimit me golin e Leaos.
Në sfidat e tjera Marseilla ka shkatërruar në Francë skuadrën spanjolle të Villarreal, me francezët të cilët fituan me shifrat 4-0. Freiburg gjeti fitoren në Gjermani përballë West Ham, ndërsa Benfica barazoi 2-2 ndaj Rangers në Portugali.
Rezultatet e mbrëmjes:
