Drejtori i Përgjithshëm i Tatimeve, Ceno Klosi është futur në skanerin e SPAK. Gazetarja e kronikës, Anila Hoxha tha ne emisionin Top Story se SPAK po e heton për dy vepra penale, atë për pastrim parash dhe fshehje të ardhurash.
Sipas gazetares, ndaj Ceno Klosit janë depozituar në SPAK dy kallëzime penale, ku njërën prej tyre e ka depozituar një deputet, ndërsa tjetrën një qytetar i thjeshtë. Gazetarja deklaroi se çështja vijon të jetë ende nën hetim.
“Hetimet që po bëhen nga SPAK ndaj Drejtorit të Përgjithshëm të Tatimve, z. Ceno Klosi, i kallëzuar nga një deputet, por edhe nga një qytetar tjetër. Po hetohet nga SPAK, po kryhen veprime hetimore për çështje të pastrimit të parave dhe fshehjes të të ardhurave.” – tha Anila Hoxha.
Më herët KLSH kishte kërkuar shkërkimin nga detyra të Ceno Klosit kur ai ishte në krye të Agjencia e Ujësjellës Kanalizimeve dhe të OSHEE. Por në vend të shkarkohej, sipas rekomandimit të KLSH-së, qeveria aktuale e ka ngritur në detyrë.
Ndërkohë akuza ndaj tij janë bërë edhe nga ish-drejtoresha e tatimeve, Briseida Shehaj, sipas së cilës klosi ka vënë pasuri të pajustifikuar dhe për këtë ai duhet të përgjigjet.
