Pamjet e sherrit të Princ Lekës me bashkëshorten e tij me të cilën është në proces divorci Elia Zaharian, kanë bërë xhiron e rrjetit, teksa Pallati Mbretëror, në një reagim në rrjetet sociale akuzonte Policinë për shpërndarjen e videos për mediat.
“Oborri Mbretëror shpreh thellësishtë zhgënjimin nga institucionet ligjzbatuese te të cilat dyshojmë se kanë cënuar të drejtën e anonimitetit, duke shpërndarë videot te të tretë.” – thuhej në reagim.
Por, Policia e Tiranës, në një komunikatë për mediat, përgënjeshtron Pallatin Mbretëror, teksa sipas saj, video nga ka dalë nga ky institucion.
Në reagim thuhet se janë kryer të gjitha veprimet e nevojshme procedurale, janë sekuestruar pamjet filmike, të cilat i janë përcjellë Prokurorisë së Tiranës.
“Në lidhje me një reagim të bërë nga Oborri Mbretëror, ditën e sotme, ju informojmë se:
Nga ana jonë në lidhje me rastin janë kryer të gjitha veprimet e nevojshme procedurale, janë sekuestruar pamjet filmike, të cilat i janë përcjellë Prokurorisë pranë Gjykatës së Shkallës së Parë të Juridiksionit të Përgjithshëm Tiranë.
Po kështu deklarojmë që kjo video nuk ka dalë nga strukturat e Policisë.” – thuhet në reagim.
