Deputetja e Partisë së Lirisë, Monika Kryemadhi ka bërë rekurs ndaj vendimit të GJKKO për sekuestron e telefonit dhe kërkon kthimin e tij.
Apeli i GJKKO rrëzoi kërkesën e bërë më 4 janar nga Kryemadhi për t’i kthyer telefonin, duke bërë që deputetja e PL-së t’ drejtohet me rekurs Gjykatës së Lartë.
Telefoni i Kryemadhit është sekuestruar në kuadër të hetimeve të SPAK për lobimin e LSI-së në SHBA. Në lidhje me hetimet për lobimin, më 21 korrik të vitit të kaluar, ish-kryetari i LSI-së, sot Partia e Lirisë, Petrit Vasili, u thirr nga SPAK, ndërsa në prill të 2023 ishte thirrur edhe Endrit Braimllari, ish-deputet i LSI-së.
Hetimet e SPAK nisën për korrupsion dhe falsifikim dokumentesh, pa emër personi të dyshuar, pas kallëzimit të ish-deputetit Halit Valteri, që akuzoi partinë e drejtuar asokohe nga Ilir Meta, se ka paguar 700 mijë dollarë për lobimin në SHBA, përfshirë vizitat në SHBA edhe një foto me ish-presidentin republikan Donald Trump.
