Trajneri i Vllaznisë, Qatip Osmani, foli për MCN TV, pas fitores me Tiranën.
Osmani, deklaroi se fitorja ndaj një kundërshtari si Tirana, merr një vlerë të veçantë.
“Duhet të përmenden tifozët. Na përkrahën për 90 minuta. Çdo fitore është e mirë, por kjo ndaj një ekipi si Tirana, ka vlerë të veçantë. Pjesa e parë ishte shumë e mirë. Luftuam në një kundër një dhe dominuam. Në pjesën e dytë, u pozicionuam pak tepër dhe shumë herët. Edhe kundërshtari ndryshoi sistemin e lojës. Nuk na rrezikuan, përveç te momentet kur pësuam golin. Loja në mbrojtje ishte e mirë. U treguam shumë mirë në mbrojtje, në momente të caktuara. Edhe në pushim, e përmendëm se ishte rezultat i rrezikshëm. Duhet të përforconim mesfushën dhe sulmin. Mundohemi ta menaxhojmë mirë euforinë, sepse ka edhe 10 ndeshje. Në lojë janë 30 pikë. Kemi një përparësi, por duhet të jemi të kujdesshëm. Ishalla nuk na mposht asnjë skuadër”, tha ai.
