Të tjera detaje dalin në dritë për ngjarjen e rëndë të ndodhur në Lushnjë, ku pas një shpërthimi, 1 person ka ndërruar jetë dhe 10 të tjerë janë plagosur.
Mes të plagosurve është edhe deputeti i PS, Bujar Çela , i cili i është nënshtruar një ndërhyrjeje kirurgjikale.
Mësohet nga banorët se shpërthimi ka qenë kaq i fortë, sa është dëgjuar deri në Peqin.
Vendi ku ndodhej kapanoni ka qenë 100 metra larg Rotondos së Plastmasit, në rrugën që shkon drejt autostradës.
Burime zyrtare nga blutë bënë me dije se në një kapanon në ndërtim dyshohet se gjatë punës, një vinçier duke drejtuar një vinç, aksidentalisht ka prekur linjën e tensionit të lartë dhe për rrjedhojë ka ndodhur një shpërthim i fuqishëm.
Njoftimi:
Fier/Informacion paraprak
Rreth orës 16:05 në vendin e quajtur “Rrethrrotullimi i Plasmasit”, në një kapanon në ndërtim dyshohet se gjatë punës, një vinçier duke drejtuar një vinç, aksidentalisht ka prekur linjën e tensionit të lartë dhe për rrjedhojë ka ndodhur një shpërthim i fuqishëm.
Si pasojë e shpërthimit ka humbur jetën shtetasi L. V., dhe janë plagosur 8 shtetas mes tyre dhe deputeti B. Ç., të cilët ndodhen në spital për ndihmë mjeksore.
Menjëherë nga Drejtoria Vendore e Policisë Fier dhe Komisariati i Policisë Lushnjë është ngritur një grup i posaçëm hetimor dhe nën drejtimin e Prokurorisë vijon puna për zbardhjen e rrethanave dhe shkakut të shpërthimit.
