Të shtëna me armë zjarri janë dëgjuar pak minuta më parë në qytetin e Pogradecit. Dyshohet se një person ka mbetur i plagosur.
Ngjarja ka ndodhur në afërsi të stadiumit në një bllok pallatesh në periferi të qytetit, ndërsa ende nuk dihen shkaqet dhe rrethanat.
Në vendngjarje janë gjetur gëzhoja nga arma e shtënë dhe një këllëf thike.
Nuk dihet ende se sa persona janë përfshirë në konflikt. Sakaq policia ndodhet në vendngjarje dhe ka nisur hetimet për zbardhjen e rastit.
