59-vjeçari shqiptar, Georgo Asllani, është dënuar me 13 vite burg nga gjykata në Britani, pasi qëlloi me armë zjarri nipin e ish-gruas së tij.
Ngjarja ka ndodhur në qershor të vitit 2022, ku pas disa mosmarrëveshjeve familjare për motive pronësoi në Shqipëri, Asllani qëlloi dy herë me armë zjarri nipin e ish-gruas, teksa ky i fundit ishte duke punuar në një shtëpi në Trinity Lane, bashkë me vëllain e tij.
Asllani u dënua për plagosje me dashje dhe posedim të një arme zjarri. Në gjykatë, Asllani u mbrojt duke pretenduar se ishte nën kërcënimin e mafias dhe vepronte me urdhër të një individi të njohur si Komandanti.
Pavarësisht pretendimeve të tij, gjykata e shpalli fajtor, ndërsa i plagosuri është ende në fazë rikuperimi nga plagët dhe i paaftë për të punuar.
