Ish-kreu i Kadastrës së Gjirokastrës, Florian Taçi, është arrestuar nga policia këtë të mërkurë. Ai akuzohet për “mashtrim”, “falsifikim dokumentesh”, e kryer në bashkëpunim.
Mësohet se në pranga ka rënë gjithashtu dhe ish-bashkëpunëtori i tij në Kadastrën e Gjirokastrës, Alban Memishaj.
Që prej mbrëmjes së djeshme, policia ka ushtruar kontroll në zyrën avokatore në Gjirokastër, ku ka sekuestruar dokumente të shumta që i shfrytëzonte Taçi që kishin të bënin me të gjithë databazën e Kadastrës së Gjirokastrës, ç’ka është shkelje e paprecedentë.
Njëkohësisht Taçi kishte akses në këtë databazë online.
