Kreu i PD-së, Sali Berisha ka shpërndarë në një postim në rrjetet sociale, fjalimin e ish-deputetit Lefter Maliqi të mbajtur tek protesta e mbajtur poshtë banesës së liderit demokrat, i cili ndodhet në arrest shtëpie.
“Fjala z. Lefter Maliqi në rrugën e “Shpresës” Opozita në AksiOn, “O sot o kurrë”” – shkruan Berisha krahas videse së fjalimit. Maliqi gjatë fjalës së tij shprehet i bindur se në zgjedhjet e ardhshme në Qarkun e Beratit do të marrin mbi 3 mandate, i vendosur si rekord në vitin 2009, kur në krye ishte Sali Berisha dhe atë kohë.
Gjithashtu, ai hedh akuza të rënda dhe ndaj kryeministrit Edi Rama, teksa ka një mesazh edhe për demokratët që synojnë një post deputeti në zgjedhjet e ardhshme.
“Në qarkun e Beratit, në 2009 me Sali Berishën në krye u morën tre mandate për herë të parë. Kësaj radhe, në sfidën e ardhshme do të merren edhe më shumë dhe rezultati do të dali më i shkëlqyer. Të jeni të bindur se i dhamë provat dhe në Stalingrad ku janë tmerruar nga frika.
Duam apo s’duam ne, me vulë apo pa vulë, me komisionerë apo pa komisionerë, me fonde apo pa fonde, në arrest shtëpie apo në shesh, Sali Berisha ka qindra mijëra shqiptarë që e mbështesin jo vetëm si në 20 shkurt ku vërsheu e gjithë Shqipëria, por kishim dhe qindra mijëra të tjerë që kishin dëshirë për të ardhur, në pamundësi për të ardhur, edhe të admnistratës, për të qenë të pranishëm kundër kësaj bande. Dordoleci i Surrelit në vitin 2017 futi nën sqetull një kryetar të peshës së lartë, por tani nuk ka më 2017. I mori tre mandate duke blerë opozitën, duke lobuar dhe me ndërkombëtarët, por tani nuk ka më.
Ky banditi i Surrelit përdor SKAP-in e partisë si KÇK-në e vitit 2021 që të kapim ça të kapim. Kam bërë nja 7 kallëzime me prova të pakundërshtueshme dhe ata tallen, se e kanë mendjen të marrin urdhëra politik nga dordoleci i krimit të organizuar. E ka kthyer Shqipërinë si një lopë për ta mjelë vetë, por edhe mafia ndërkombëtare. Nëse disa prej nesh këtu mendojnë që në sfidën e ardhshme të marrin një karrige deputeti, gabojnë rëndë. Sepse tradhtojnë jo vetëm këtë rrugë të shpresës, por tradhtojnë çdo demokrat dhe çdo shqiptar. Prandaj ai uragan i 20 shkurtit nuk duhet të na kënaqë, por duhet të sulemi në çdo lagje të punojmë me demokratët, shqiptarët, për ta kthyer në një uragan të fitores.” – thotë Maliqi.
