Shefi i Krimeve të Rënda në Durrës Elton Shanini, ka hedhur dritë mbi ngjarjen e rëndë në Shënavlash të Durrësit, ku tre fëmijët bashkë me nënën e tyre, vranë, dhe më pas groposën babanë e tyre
I ftuar në Top Channel, Shanini ka renditur me detaje të gjithë kronologjinë e ngjarjes, që nga momenti kur morën kallëzimin nga djali i madh Hyseni dhe deri në momentin kur gjithçka u zbulua.
Sipas Shahinit, pas kallëzimit për humbjen e babait të tre fëmijëve, “ne nisëm të dyshonim dhe dyshimit thotë ai erdhën kur ne kur gjetëm makinën nuk arritëm ta lidhnim largimin asaj me asnjë gjurmë”.
“Fillimisht vajtëm në plazh. Më pas kur nuk gjetëm aty asnjë gjurmë menduam se duhet të shkonim në familje. E ngushtuam dyshimin pasi të gjitha të dhënat na tregonin se duhet të ishte një ngjarje Brenda familjes. U futëm në banesë dhe nisëm të pyesnim fëmijët dhe bashkëshorten e tij. Pasi folëm disa herë me fëmijët, vajza u thye dhe mes rreshtave kuptuan se diçka nuk shkonte. Filluam të kërkonim prova në banesë. Gjetëm një predhë tek divani.
Ra fabula e vajzës dhe nisi një drejtim tjetër hetimi. Fillimisht u gjet vetëm një predhë. Morëm mostrat e gjakut dhe presim përgjigje. Janë marrë dy herë në intervistë, e para ditën kur u gjet makina. Ishin shumë të qetë, si nëna ashtu dhe fëmijët. Menduam se nuk kishte gjë. Nuk kanë pas asnjë llojë pendimi fillimisht. Ishin të çiltër”, tha ai.
“Fejesën me shkuesi nuk e morën të mirëqenë. Por deri tani, ata kanë pasur strese të vazhdueshme gjatë kësaj periudhe, dhunë fizike, psikologjike. Kemi të dhëna se Pëllumb Meta që punonte si roje ishte njeri i qetë , por brenda familjes sipas familjarëve ushtronte dhunë. Ne nuk kemi pasur më parë asnjë denoncim për dhunë që ai mund të ushtronte. Kemi pyetur pse nuk kanë bërë denoncim, por ata nuk na janë përgjigjur”, shtoi shefi i krimeve, Elton Shahini.
Më pas ai deklaroi se gjatë marrjes në pyetje fëmijët kanë thënë se kanë qenë të trysur nga babi, megjithatë ngjarja është nën hetim dhe gjithçka do të zbardhet plotësisht.
“Deri diku, ngjarja është e zbardhur nga ana jonë. Motivet janë ato që kanë dalë deri tani. Krim makabër që do të studiohet gjatë. E kam pyetur vajzën në disa seanca se çfarë do të bënte kur të mbaronte shkollën, por është shprehur se dhuna i prish të gjitha ëndrrat. Por unë mendoj se çështja është në hetim”, tha Shahni.
