Një market ka rënë pre e grabitjes me armë zjarri mbrëmjen e kësaj të diele në fhsatin Drenovë të Korçës.
Nga informacionat paraprake, mësohet se dy persona të maskuar kanë hyrë në biznes dhe nën kërcënimin e armës kanë grabitur para si dhe paketa cigaresh.
Nuk raportohet për persona të lënduar. Policia ndodhet në vendin e ngjajres, teksa hajdutët kanë ikur në drejtim të paditur.
Njoftimi:
Mbrëmjen e sotme, në fshatin Drenovë, Korçë, dy persona të maskuar, nën kërcënimin e një sendi të dyshuar si armë zjarri, kanë hyrë në dyqanin ushqimor të shtetasit D. B., ku kanë marrë një shumë parash dhe disa paketa me cigare dhe më pas janë larguar.
Shërbimet e Policisë kanë shkuar menjëherë në vendngjarje. Gjithashtu janë ngritur pika kontrolli në akset kryesore dhe hyrjet e daljet e qytetit, me qëllim identifikimin dhe kapjen e autorëve.
Për këtë rast është krijuar një grup i posaçëm hetimor i cili po punon për zbardhjen dhe dokumentimin e plotë të ngjarjes.
