Kategoria Superioredo të luajë ditën e sotme 3 nga sfidat e javës së 25-të të kampionatit. Do të luhet në dy orare të ndryshme në Kukës, Rrogozhinë dhe Korçë.
Gjithçka do të startojë me duelin mes Egnatias dhe Teutës, takim që do të nis në orën 13:30 në “Egnatia Arena”. Një duel mjaft i rëndësishëm për rrogozhinasit që tentojnë rikthimint e fitorja në kampionat, ndërsa nga ana tjetër durrsakët pas triumfit me Kukësin synojnë në Rrogozhinë një tjetër 3 pikësh që do t’i ndihmonte t’i largoheshin fundit të klasifikimit.
Paralelisht do të luhet edhe “finalja” e mbijetesës mes Kukësit dhe Erzenit. Të dyja ekipet ndajnë vendet e fundit në klasifikim dhe në “Kukës Arena’ do të përplasin “brirët” për pikët e kësaj jave. Si Skerdi Bejzade ashtu edhe Bledar Devolli do të kërkojnë 3 pikët e para në krye të Erzenit dhe Kukësit.
Ndërkohë në orën 17:00 e gjithë vëmendja do të jetë në Korçë, aty ku do të luhet dueli mes Skënderbeut dhe Partizanit.
Një takim mjaft interesant dhe që zgjon interesin e tifozëve. Vendasit do të kërkojnë fitoren për t’u afruar akoma më shumë me “Final – Four”, ndërsa nga ana tjetër demat pas fitores në derbi synojnë vazhdimësinë në kampionat.
Axhenda e ndeshjeve:
EGNATIA-TEUTA ORA 13:30
KUKËSI-ERZENI ORA 13:30
SKËNDERBEU-PARTIZANI ORA 17:00
