Banorët e fshatit Velagosht të Kuçovës, kanë dalë në protestë paraditen e kësaj të premte para bashkisë së qytetit. Ata kërkojnë ndërtimin e rrugës së Velagoshtit, rreth 2 km rrugë.
Mbi protestën ka reaguar edhe kandidati për bashkinë e Kuçovës në zgjedhjet e 14 majit, Lefter Maliqi, i cili shprehet se kryetari aktual i kësaj bashkie, Kreshnik Hajdari ka braktisur zyrën teksa banorët protestonin, dhe e ka rrethuar me policë.
Përmes një postimi në rrjete sociale Maliqi ka ndarë foto nga protesta teksa ndër të tjera shkruan: “I dënuari Hajdari ja mbath! Braktis Zyrën e Kryetarit të Bashkisë dhe e rrethon me Policë”.
Postimi i plotë:
O Hajdar! O hajdut! Paratë e popullit ku i fut!
Kryehaduti i taksave dhe votës së popullit!
I dënuari Hajdari ja mbath! Braktis Zyrën e Kryetarit të Bashkisë dhe e rrethon me Policë.
Përsëri në Protestë banorët e Velagoshtit, për mashtrimet elektorale, për rrugën nga i dënuari Hajdari, pengu i ish fatirinos Salillari.
Vlerësim dhe mbështetje per këta banorë kurajozë! Kështu do vijë ndryshimi!
Së bashku do ju kthejmë Bashkinë e grabitur më “14 Maj” nga “Narkoshteti” banorëve! Së bashku të cmontojmë këtë grup të strukturuar kriminal, që vjedhin taksat tuaja me tendera korruptivë, në ujesjellës, rrugë, pastrim, varreza, qensh endacakë dhe Resorte etj. etj.
Mirënjohje banorëve! 
