Një aksident me vdekjen e një të riu dhe plagosjen e një tjetri ka ndodhur mëngjesin e sotëm në “Rrugën e Kombit”.
Policia njoftoi se rreth orës 05:00, në aksin rrugor Milot-Morinë, automjeti tip “Volkswagen” me të cilin udhëtonin 2 persona është përplasur me barrierën anësore të rrugës.
Për shkak të dëmtimeve nga aksidenti, drejtuesi i automjetit, A.Sh., 21 vjeç, banues në Shkodër, ka humbur jetën, ndërsa pasagjeri, K.A., është dërguar në spital, ku po merr ndihmë mjekësore.
Një hetim ka nisur për zbardhjen e rrethanave të aksidentit.
