Një i ri i shpallur në kërkim nga autoritetet italiane është arrestuar në Vlorë.
Në pranga u vu Blerim Rushitaj alias Blerim Myftaraj, 27 vjeç.
Ai u kap në lagjen “10 Korriku” dhe u arrestua provizorisht për t’u ekstraduar në Itali, njoftoi policia.
Gjykata e Firences i ka caktuar të riut masën e sigurisë “Arrest në burg” për veprën penale “Pjesëmarrje në grup kriminal me qëllim trafikimin e narkotikëve”.
Aksioni për arrestimin i koduar “Purpose”, sipas të njëjtave burime, erdhi si rezultat i shkëmbimit të vazhdueshëm të informacioneve ndërmjet Interpol Tiranës dhe Interpol Romës.
