PDIU bashkoi votat me Partinë Socialiste për marrëveshjen e emigrantëve, e cila u votua këtë të enjte në Parlament në një seancë që zgjati më pak se 8 minuta.
Deputetja Mesila Doda, e pyetur jashtë sallës së parlamentit nëse PDIU i është bashkuar Partisë Socialiste, tha se të gjithë deputetët do duhet ta votonin, pasi bëhet fjalë për të mbëshetur një vend mik i cili na ka ndihmuar sa herë kemi pasur kriza.
“Absolutisht ne kemi mundësinë të ndihmojmë një shtet që na ka ndihmuar gjithmonë, ndaj ne duhet të jemi përkrahë tyre. Bëhet fjalë për një shtet mik që na ka mbështetur gjithnjë në situata më kritike.”- tha Doda.
