Zbardhen detajet nga protesta e opozitës nesër në bulevardin para kryeministrisë. Teksa 20 shkurti shënon rrëzimin e bustit të ish-diktatorit Enver Hoxha, opozita do të dalë në protestë kundër qeverisë. Por ndryshe nga gjithë herët e tjera në këto vite, PD nuk do të ketë fizikisht Sali Berishën, i cili është në arrest shtëpie.
Mësohet se Berisha do të jetë virtualisht i pranishëm, pasi do u drejtohet me një mesazh qytetarëve të pranishëm në protestë, përmes një lidhje online nesër pasdite.
“Sali Berisha e thirri protestën, Sali Berisha do ta udhëheqë protestën”, deklaroi Flamur Noka për mediat, duke paralajmëruar një protestë masive.
I pyetur nëse do të jetë një protestë paqësore, ai tha: “Protesta është protestë”.
