Kanë kaluar më shumë se 3 javë nga koha kur Bashkia e Tiranës ka filluar punimet për ndërtimin e këndit të lojrave brenda parkut të liqenit. Më herët, Veliaj ka deklaruar se nuk do të ketë betonizim të parkut dhe as nuk do të pritet asnjë pemë.
Por, pavarësisht deklaratës së tij publike që deri tani është konfirmuar e kundërta dhe duke shpërfillur protestat e shoqërisë civile që prej disa ditësh janë ngujuar tek parku, punimet vazhdojnë me intensitet të lartë dhe betonieret vazhdojnë të hyjnë brenda parkut të liqenit.
Fotot e mëposhtme janë bërë ditën e sotme, dhe tregojnë më së miri betonizimin dhe murin rrethues që është ngritur në këtë park. Zotimi i kryebashkiakut ishte një kënd lojrash për fëmijët, dhe jo një mur gjidand betoni që ngjan si Muri i Berlinit, që nuk dihet se për çfarë i shërben fëmijëve.
