Një 38-vjeçar ka përfunduar në prangat e policisë pasi aksidentoi një të ri në Shkodër.
Policia bën me dije se 38-vjeçari, i dehur në timon, përplasi një tjetër automjet, ku për pasojë mbeti i lënduar drejtuesi.
Mësohet se i lënduari është transportuar në spital për të marrë ndihmë mjekësore, jashtë rrezikut për jetën.
“Specialistët e Sektorit të Policisë Rrugore arrestuan shtetasin K. B., 38 vjeç, banues në Shkodër, pasi automjeti që drejtonte ky shtetas, në gjendje të dehur, është përplasur me automjetin me drejtues shtetasin E. S., 34 vjeç. Nga aksidenti është dëmtuar 34-vjeçari, i cili është jashtë rrezikut për jetën.”– njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
