Në qendër të Larisës mbrëmjen e sotme po kalojnë natën fermerët e zonës, të cilët më herët si kolegët e tyre në Kardicë, kanë shkuar me traktorët në sheshin qendror të qytetit të tyre.
Në Kardicë, fermerët mbërritën me traktorët e tyre dhe hodhën qumësht e kashtë në sheshin qendror, me mbështetjen e anëtarëve të sindikatave dhe organizatave masive të zonës, shkruan Protothema.
Fermerët në Larisa kanë vendosur të kalojnë natën në qendër të qytetit, ku janë shprehur se do të largohen në orën 15:00 të së shtunës.
Vala e protestave të fermerëve ka përfshirë pothuajse të gjithë Europën. Protestat nisën fillimisht në Gjermani, e për tu përhapur më tej në Itali, Spanjë, Francë, Belgjikë dhe Portugali.
