Pak ditë kanë mbetur nga supersfida e javës së 21-të në Bundesliga, me Bayer Leverkusen, kryesuesi e kampionatit, që do të përballet me kampionët në fuqi, Bayern Munich.
Duke folur për këtë takim, ish-lojtari i bavarezëve, Lothar Matthaus u shpreh se në këtë sfidë shikon Leverkusen-in si favorit dhe theksoi se është pikërisht trajneri Xabi Alonso që e bën të mendojë diçka të tillë.
“Sa herë që pashë Bayer Leverkusen në fushën e lojës këtë sezon, stili dhe idetë e Alonso-s ishin shumë të qarta. Tuchel gjithashtu ka mënyrën e tij të lojës, por ajo e Alonso-s është më e dukshme për mua. Bayern është në formë të mirë, por Leverkusen ka luajtur shumë fort këtë sezon”-deklaroi ndër të tjera Matthaus.
