Një 21-vjeçar shqiptar është arrestuar nga autoritetet britanike me akuzën e vrasjes së një bashkatdhetari në Londër.
Mediat vendase raportojnë se bëhet fjalë për shtetasin Kozma Papa, i cili banon në afërsi të qytetit të Bristolit, teksa akuzohet për vrasjen e 37-vjeçarit Bledi Petraj.
Ngjarja është regjistruar mesditën e se dielës më 4 shkurt në Enfield. Shërbimet e urgjencës u njoftuan se një 37-vjeçar është gjetur i plagosur me thikë. Ai u dërgua me urgjencë në spital, por fatkeqësisht ndërroi jetë një ditë më vonë.
Kozma Papa do të paraqitet në Gjykatën e Magjistraturës Willesden. Kozma Papa është arrestuar nga Policia Metropolitane, duke udhëtuar me makinë në Hertfordshire të dielën në dalje të Londrës.
Një 30-vjeçar, i cili gjithashtu u arrestua në kuadër të hetimeve, u la i lirë pa veprime të mëtejshme.
Viktima Bledi Petraj është me origjinë nga Selenica e Vlorës dhe vjen nga një familje e cila më parë ka qenë në emigracion në Greqi, dhe që momentalisht jetojnë në qytetin bregdetar të Southendit, në juglindje të Anglisë
