Gazetari Enton Abilekaj është shprehur se si pasojë e protestës së sotme të opozitës përpara Parlamentit, në seancën e ditës së nesërme mazhoranca do të përjashtojë deputetë të opozitës.
Duke folur në Syri Tv, Abilekaj thekson se synimi i Ramës është që opozita mos të përfaqësohet në parlament.
“Imagjinoni përjashtimet që do bëhen nesër me ngjarjen e sotme, do vijë momenti që në parlament nuk do të ketë opozitë fare. Në vend të opozitës do të jenë 7 deputetë të Bashës të cilët do të sillën mirë, do të marrin pjesë në komisionin për reformën zgjedhore, do gjejnë gjuhën me mazhorancën.
Do fillen ashtu sic Rama do të jetë opozita. Opozita do të jetë e përjashtuar, praktikisht. Rregullorja e re e përjashton opozitën, praktikisht. Marrëdhendja e opozitës me parlamentin nuk mund të jetë më e njëjta.
Kjo protestë do të jetë e para por smund të jetë e fundit se marrëdhenia sa vjen e po vështirësohet.
Në parlament do të jenë vetëm ata që duartrokasin Edi Ramën.
Ndërkombëtarët mjaftohen me disa deklarata të cilët shpesh herë sillen si grande-t e demokracisë. Vazhdimisht kërkojnë që opozita të reflektojë në emër të garancive që ata do të japin në raport me mazhodancën.”
