Një aksident automobilistik është regjistruar paraditen e së enjtes në aksin rrugor “Elbasan-Cërrik”. Dy automjete janë përplasur, teksa kanë mbetur të plagosur dy pasagjerë dhe drejtuesit e automjeteve.
4 të plagosurit ndodhen në kujdesin e mjekëve, jashtë rrezikut për jetën.
“Paraditen e sotme, në aksin rrugor “Elbasan-Cërrik”, automjeti me drejtues shtetasin A. P., 21 vjeç, është përplasur me automjetin me drejtues shtetasin B. N., 34 vjeç.
Si pasojë e aksidentit janë dëmtuar 2 drejtuesit e automjeteve, 1 pasagjer në automjetin me drejtues shtetasin B. N. dhe 1 pasagjer në automjetin me drejtues shtetasin A. P., të cilët janë në kujdesin e mjekëve, jashtë rrezikut për jetën.”– njofton policia.
Grupi hetimor vijon punën për përcaktimin e shkaqeve të aksidentit.
