Klevis Hima e ka me gjykimin. Nuk e përmend konkretisht, por me një fjali nënkupton se ishin ata që e vendosen ndeshjen në “Liri Ballabani”.
Ai mendon se Burreli e tij nuk e meritonte këtë humbje, ndërsa nuk kursen elozhet për lojtarët e tij.
Gjatë deklaratës së dhënë pas ndeshjes për “Panorama Sport”, numri një i pankinës matjane tha: “Dua të falënderoj futbollistët për gjithçka.
Dhanë maksimumin në fushën e lojës. Pavarësisht rezultatit, e dominuam Elbasanin. E pa çdokush, kush e vendosi ndeshjen… Nuk na mbetet gjë tjetër veçse të punojmë fortë. Na pret një finale tjetër në fundjavë dhe jemi të bindur që do marrim pikët e plota”.
