Dinamo mposhti Kukësin në “Niko Dovana” me rezultatin, 3-2, në përballjen e vlefshme për javën e 21-të të Kategorisë Superiore.
Pjesa e parë e sfidës u mbyll në avantazhin, 2-0, të djemve të teknikut, Dritan Mehmeti, me “fantazistët”, Lorenco Vila e Denison Dos Santos, që shënuan dy gola të shpejtë, në minutat 11’ e 13’.
Në fundin e pjesës së dytë erdhi dhe përgjigja e skuadrës së Stavri Nicës, teksa fillimisht ishte “fantazisti” peruan, Carlos Rivas, i cili dërgoi topin në rrjetë, në minutën e 84’-t.
Vetëm 3 minuta më vonë, afrimi i merkatos së janarit, Vasilios Zogos godet bukur një top më kokë, për të barazuar gjithçka, mirëpo barazimi nuk zgjati shumë.
Në sekondat e fundit të lojës, qendërmbrojtësi Rustem Hoxha kërcen më lart se të tjerët, për të dërguar me kokë, topin në rrjetën e Tafas, për të siguruar kështu fitoren e bluve të kryeqytetit.
Dinamo renditet në vendin e gjashtë me 25 pikë dhe në takimin e radhës do të përballet me Erzenin jashtë. Në krahun tjetër, komplikohet situata për kuksianët, që e shohin veten në vendin e parafundit me 19 pikë. Takimi i radhës është ndaj Tiranës.
Goli i Denison Dos Santos, 2-0:
