Një 44-vjeçar është arrestuar këtë të shtunë në Korçë, dhe një tjetër është shpallur në kërkim pasi u kapën duke transportuar emigrantë të paligjshëm.
Blutë bëjnë me dije se në pranga ka rënë shtetasi Emiljano Peshku, ndërsa në kërkim vshtë shpallur shtetasi me iniciale XH.S.
Në bashkëpunim me njëri tjetrin ata do transportonin 5 emigrantë të paligjshëm jashtë kufirit me destinacion vendet e BE-së, kundrejt pagesës.
“U arrestua shtetasi Emiljano Peshku., 44 vjeç, banues në fshatin Bitinckë, Devoll, dhe u shpall në kërkim shtetasi Xh. S., 26 vjeç, banues në Korçë.
Gjatë natës, në dalje të Pogradecit, i është bërë shenjë për ndalim, automjetit që drejtonte 44-vjeçari. Ai nuk i është bindur urdhrit, por ka vazhduar lëvizjen. Menjëherë, shërbimet e Policisë i janë vënë në ndjekje, kanë bërë ndalimin e automjetit, në fshatin Qukës, Librazhd, dhe kanë arrestuar shtetasin E. P., ndërsa shtetasi Xh. S. (pasagjer në këtë automjet), duke përfituar nga errësira, është larguar. Vijon puna për kapjen e tij.
Në automjetin tip “BMW” që drejtonte i arrestuari, ishin 5 emigrantë nga Vendet e Treta, të cilët po transportoheshin kundrejt pagesave, nga 2 shtetasit, për të kaluar ilegalisht, kufirin, me destinacion vendet e BE-së”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
