Ai ka kënaqur pafund një prej fansave të tij më besnike.
Teksa ajo ndodhej në koncertin e tij në Detroit, i ka kërkuar Justin përmes një letre me shkrim dore që të bëjë publike shtatzaninë e saj. Darcell Baxtresser ia ka bërë me shenjë këngëtarit të famshëm. Ai e ka kuptuar, ka ndaluar koncertin dhe i ka marrë letrën fanses së tij të zjarrtë.
Teksa muzika ka ndaluar dhe vëmendja ka qenë maksimale ai lexoi letrën: Bebi Baxtresser pritet të vijë në jetë më 1 nëntor 2018. Kaq ka mjaftuar që të shpërthejnë duartrokitjet dhe të ndizet atmosfera. Darcell Baxtresser është shprehur se kjo ishte një ekperiencë magjike dhe se ishte shumë e emocionuar.
“E kam adhuruar Justin Timberlake qëkur isha 6 vjeç, kështu që nuk do doja askënd tjetër ta shpallte një lajm të tillë përveç tij”-është shprehur Baxtresser. Përmes një statusi në rrjetin social “Facebook” ajo ka shkruar: Ky ishte momenti më magjik dhe më i paharrueshëm në jetën time. Dashuria ime e parë shpalli shtatzaninë time. Kjo është fantastike”-është shprehur fanzaja e zjarrtë e Timberlake. J.K
