Reforma Zgjedhore ka futur në një debat të brendshëm opozitën, pasi pjesa më e madhe e deputetëve opozitar kërkojnë të vendosin si bashkëkryetar të komisionit Oerd Bylykbashin, por kërkesa e tyre është rrëzuar me votat e mazhorancës, e cila kërkon të mbajë si bashkëkryetar Enkelejd Alibeajn e grupit të Lulzim Bashës.
Në një reagim të sotëm, Alibeaj i cili kërkon të mbajë postin e bashkëkryetarit, u shpreh se rregullat e lojës janë ato të caktuara, që kur u nis procesi i reformës dhe nuk mund të ndryshohen sa hërë një deputet ndryshon qëndrim.
Por, reagimi të Alibeajt i është përgjigjur deputeti i PD-së, Dashnor Sula, i cili në një postim në rrjetet sociale i drejton 6 pyetje grupit të Lulzim Bashës në lidhje me reformën zgjedhore, ku sipas tij u kujtuan vetëm kur iu hoq karrigia që mbante të bllokuar reformën. Ai iu kërkon më tej që të mos bëhen më “megafoni i prishur i Edi Ramës”.
Reagimi i plotë:
E vërtetë! Opozitarizmi fals nuk është certifikatë që e jep dikush, por fletë emërimi që e lëshon Edi Rama. Turp për këdo që e pranon!
Pyetjet pa përgjigje vijon të mbetet:
1-Pse nuk u mblodh për 22 muaj Komisioni i Reformës Zgjedhore?
2- Pse u bllokua puna e Komisionit me dakortësi për 22 muaj?
3- Pse u kujtuan për Reformën vetëm kur ju hoq karrigia që mbante të bllokuar Reformën?
4- Pse vijojnë të hiqen diçka që nuk janë?
5- Pse duan të mbajnë në këmbë strategjinë e “kërpëratave të 2020”?
6- Pse nuk mbajnë parasysh detyrat e Komisionit të Venecias?
Përgjigjuni!
Demokratët dhe opozitarët po presin përgjigje! Boll u bëtë megafoni i prishur i Edi Ramës!
