Sekretari i Përgjithshëm i PD, Flamur Noka, ka folur për mediat në përfundim të mbledhjes së Grupit Parlamentar të PD.
Noka u shpreh se çështja e bashkimit të Grupit parlamentar të PD është tashmë e mbyllur dhe nuk diskutohet më. Ai u shpreh gjithashtu se drejtësia e re politike drejtohet nga pionierët e Enverit, ndërsa shtoi se shqiptarët sot kanë një parlament të vërtetë dhe ai është tek “Rruga e Shpresës”, referuar rrugës në të cilën ndodhet banesa e ish-kryeministri Sali Berisha.
Noka:“Shikoni ku ka shkuar shteti. Drejtësia e re politike drejtohet nga pionierët e Enverit, ja shikoni edhe këtë tjetër në festën e PS-së. Me shallin e pionierit të Enverit. Këta s’kanë turp e frikë të maskohen, por dalin ashiqare se janë vegla të partisë dhe regjimit. Siç e dini ka një vendim të KLGJ-së që miraton kodin e Etikës. Po e reklamojnë si vlerë të shtuar të tyre angazhimin politik . Ky është pushteti, regjimi dhe drejtësia e re është vegël. Në bazë të Kodit të Etikës, kush e ka firmosur këtë duhet të hetojnë dhe marrin masa. Të tërë janë trup politike.
