Tre shqiptarë, identitetet e të cilëve nuk bëhen të ditur, janë vënë në prangat e auroriteteve italiane pas tre aksioneve të ndryshme antidrogë të cilat u zhvilluan në vend.
Operacioni i parë u regjistruar në Mestre ke me ndihmën e qenit antidrogë u arrestua shqiptari i parë të cilit gjatë kontrollit në mjet i’u zbulua një fund i dyfishtë ku brenda u gjet dhe u sekuestrua një sasi prej 2 kg kokainë.
Operacioni i dytë u zhvillua në San Salvo ku u arrestua një punëtor shqiptar ndërsa në banesën e tij u gjetën dhe sekuestruan mbi 1 kg droga të ndryshme si kokainë, marijuanë dhe hashash si dhe material për paketimin e drogës.
Ndërsa i arrestuari i tretë u vendos në pranga në tentativë për të hyrë në Zvicër. Gjatë kontrollit të mjetit të tij janë gjetur dhe sekuestruar 100 gram kokainë si dhe disa gram heroinë.
