Kameruni do të jetë vendi i parë që do t’u japë fëmijëve në mënyrë rutinë një vaksinë të re kundër malaries, duke synuar të vaksinojë rreth 250,000 fëmijë këtë vit dhe vitin e ardhshëm.
Fushata u përshkrua nga zyrtarët si një moment historik në përpjekjen e gjatë për dekada për të frenuar sëmundjen e përhapur nga mushkonjat në kontinent, e cila përbën 95% të vdekjeve nga malaria në botë.
“Vaksinimi do të shpëtojë jetë. Do të ofrojë lehtësim të madh për familjet dhe sistemin shëndetësor të vendit, “tha Aurelia Nguyen, shefe e programit në aleancën e vaksinave “Gavi”, e cila po ndihmon Kamerunin të sigurojë vaksinat.
Kombi i Afrikës Qendrore shpreson të vaksinojë rreth 250,000 fëmijë këtë vit dhe vitin e ardhshëm. Aktualisht po punohet me 20 vende të tjera afrikane për t’i ndihmuar ata të marrin vaksinën dhe se ato vende shpresojmë të imunizojnë më shumë se 6 milionë fëmijë deri në vitin 2025.
Në Afrikë, ka rreth 250 milionë raste të sëmundjes parazitare çdo vit, duke përfshirë 600,000 vdekje, kryesisht te fëmijët e vegjël.
