Kreu i Partisë Demokratike, Sali Berisha ka zbuluar sot për mediat disa nga pyetjet të cilat iu bënë nga prokurorët e SPAK mbi dosjen “Partizani”. Ai u shpreh se mes të tjerash u pyet në lidhje me letrat me vlerë.
Berisha u shpreh se si pasojë e ligjit të dekretua nga ai në 1995 kur ishte president i vendit, dhëndri Jamarbër Malltezi, ka përfituar vetëm 64 euro.
Berisha: Për letrat me vlerë u përmbajta të mos i fyeja. Historia e letrave me vlerë, është praktikë e dekretuar nga unë në 1995, ku në shumë vende ish komuniste propozohej emetimi i tyre që qytetarët të fitonin nga privatizimi i pasurive. Letrat me vlerë, vendimi doli 1 muaj pasi ishin paguar 90 përqind të detyrimeve shtetërore, familja Begeja kishte 40 përqind, gjithsej kishin 5 përqind për të paguaj.
Jamarbër Maltezi fitoi gjithsej 64 euro. Se ligjin, thoshin, kur u tregova ligjin e 2004 dhe nenin që detyron shtetin që cdo pronë që jepet për tjetërsim i jepet ish-pronarit. Por ata i kishin fshehur. Nuk u mor vesh kur drejtoi më shumë pyetje, unë atyre, apo ata mua. Kishin marrë një listë personash, a i njeh ti këta? Se nga e kishin marrë a nga zyrat e Ramës. Pyetje tjetër, cfarë pune ka bërë Abi Malltezi. Pyetje tjetër, Genci na i kujto pak…ishin aq mediokër, sa nuk ia vlente te memorizoheshin…
I pyetur në lidhje me provat e paraqitura nga SPAK ndaj tij, Berisha tha: Asnjë provë, kishte mashtrime, Mjeranë që ripërsërisnin trillimet e tyre.
