Drejtori i Përgjithshëm i policisë së shtetit, Muhamet Rrumbullaku ka mbajtur këtë të hënë një konferencë për mediat lidhur me operacionin “Tempulli” të zhvilluar në të gjithë vendin, ku ka dhënë edhe më shumë detaje në lidhje me arrestimet dhe kontrollet e zhvilluara.
Rrumbullaku deklaroi se janë marrë 295 urdhra ndalimi dhe vendime arresti, si dhe 306 vendime kontrolli, ndërsa janë arrestuar 273 persona dhe janë shpallur në kërkim 26 të tjerë.
“Operacioni Tempulli 2 ka filluar në javën e parë të muajt dhjetor, dhe përgjatë kësaj kohë Drejtoria e Përgjithshme e Policisë, në bashkëpunim të ngushte me Prokurorinë e Përgjithshme kanë iniciuar 66 hetime proaktive, për goditjen e anëtarëve të grupeve kriminale. Janë marrë 295 urdhra ndalimi dhe vendime arresti, si dhe 306 vendime kontrolli. Nga operacioni policia ka arritur te finalizoj arrestimin për 273 shtetas dhe janë sekuestruar një sërë provash materiale që dëshmojnë aktivitetin e tyre kriminal.
Faza e dytë e operacionit nuk lidhet vetëm me shkollat por me të gjithë vendin dhe zonat komunitare në. Fokusi i policisë së shtetit ka qenë goditja e fenomenit të shpërndarjes së naroktikës tek adoleshentët. Në këtë operacion përveç çështjeve që lidhen me lëndën narkotike, janë sekuestruar edhe prova që kanë të bëjmë me tërësinë e operacionit vijues “Sundimi i ligjit”, deklaroi Rrumbullaku.
Lidhur me operacionin ka reaguar edhe Ministri i Brendshëm Taulant Balla.Balla tha se gjatë këtij operacioni janë sekuestruar edhe shumë armë pa leje.
“Gjatë këtij operacioni, kemi një numër të konsiderueshëm të armëve pa leje. Paketa e sigurisë së shkollave do të forcohet me ligj, dhe çdo vepër që ndodh pranë shkollave, do të dënohet me ligj”, tha Balla.
