Policia e Tepelenës ka reaguar në lidhje me mbetjet kockore të gjetur mbrëmjen e kësaj të diele në buzë të lumit të Vjosës.
Autoritetet bëjnë me dije se në afërsi të një shpelle në vendin e quajtur “Gurti i Lenecit”, në njësinë administrative Lopës të Tepelenë, është gjetur një mbetje kockore (gjysëm kafkë), që dyshohet se i përket një qenie humane.
Sipas Policisë, nga këqyrja paraprake dyshohet të jetë e vjetër dhe se mund të jetë sjellë në afërsi të shpellës, nga ujërat e lumit në këtë zonë. Gjatë kontrollit të territorit, shërbimet e Policisë nuk kanë gjetur mbetje të tjera kockore.
Ndërkohë mësohet se ka qenë një banor i fshatit Shkozë të njësisë administrative Sevaster të Selenicës që e ka gjetur fillimisht dhe më pas ka njoftuar Policinë.
