Një shtetas shqiptar është arrestuar nga policia në Itali, pasi akuzohet për shit-blerje narkotikësh.
Shqiptari është arrestuar pasi gjatë kontrollit fizik nga policia i janë gjetur 260 gramë kokainë. Ndërkohë gjatë kontrollit në banesë i janë gjetur 55 mijë euro cash dhe 4 kg kokainë të fshehura në grilat e dritareve dhe të paketuara gati për shitje.
Shqiptari, banues në shtëpinë e kontrolluar, u arrestua për veprën penale të posedimit të lëndës narkotike për qëllime trafiku. Tani, ai ndodhet në burgun në Rovigo, ndërsa raportohet se shqiptari rezulton i dënuar edhe më herët për drogë.
