Kreu i OBSH-së, Tedros Adhanom Ghebreyesus, ka thënë nga Forumi Ekonomik Botëror i Davosit se bota duhet të përgatitet për sëmundje të panjohura në të ardhmen. Drejtori i përgjithshëm i OBSH-së, shpjegon se ideja e të ashtuquajturës ‘Sëmundja X’ nuk është e re, por OBSH e ka përdorur termin që nga viti 2018.
“Bota duhet të përgatitet për sëmundje të panjohura në të ardhmen”, tha ai sipas mediave të huaja.
Ghebreyesus thotë se OBSH ishte përgatitur për një virus të ngjashëm me Covid para pandemisë 2020.
“Ju madje mund ta quani Covid-in sëmundja e parë X, dhe mund të ndodhë përsëri. Është më mirë të parashikojmë diçka që mund të ndodhë, sepse ka ndodhur shumë herë në historinë tonë dhe të përgatitemi për të. Nuk duhet t’i përballojmë gjërat të papërgatitur. Mund të përgatitemi edhe për disa gjëra të panjohura”, mësohet të ketë thënë ai.
