Gjykata e Apelit ka nisur shqyrtimin e dosjes për vdekjen e Dorjana Hakës, partneres së Alban Hoxhës, e cila ndërroi jetë në nëntor të vitit 2014, pak ditë pasi solli në jetë djalin e tyre.
Vdekja e 25-vjeçares tronditi opinionin publik, ndërsa familja akuzoi mjekët për pakujdesi dhe neglizhencë gjatë operacionit cezarian. Nëna e Dorjana Hakës ka deklaruar sot se ka besim te organet e drejtësisë duke i bërë thirrje atyre të mos zvarritet më gjyqi.
“Shpresoj që gjyqi të mos zvarritet. Presim prej vitesh presim fjalën e drejtësisë”, tha ajo.
Dy mjekë të maternitetit “Koço Gliozheni” janë të pandehur për vdekjen e ish-bashkëshortes së gardianit të Partizanit, e cila solli në jetë Bekimin e vogël, por humbi vetë jetën vetëm disa orë pas lindjes.
Në shkallë të parë, Gjykata e Tiranës gjobiti me 400 mijë lekë gjobë dy mjekët, ndërsa prokuroria kërkoi 5 vite burgim për secilin. Shqyrtimi i çështjes në Apel vjen pas ankimit të akuzës.
